Un conto de medo antes de durmir?

Á hora de durmir, hai un momento que lle encanta tanto a Berta como a Pipo: Mamá cóntalles un conto. Son historias bonitas e cheas de imaxinación que axudan a pechar os ollos e soñar pensando nelas.

A Pipo encántalle tanto ese momento que se lle ocorre unha idea xenial: el tamén quere contar contos! E ademais, ten un público perfecto… Mocos. A Berta parécelle unha idea fantástica, porque claro, Pipo vén doutro planeta e seguro que ten historias incribles para compartir.

Despois de pensar un bo anaco, Pipo decide que os seus contos van ser… de medo. Moi de medo! E iso a Berta, parécelle un problema. Porque escoitar historias escuras, misteriosas e un pouco tenebrosas non é o mellor antes de durmir, e menos para un neno pequeno, non?

Berta intenta explicarlle que así Mocos pode ter pesadelos… pero xa sabemos que as cousas para Pipo son diferentes, a el encántalle soñar cousas estranas! E o máis sorprendente de todo é que Mocos parece encantado!

Virá Mocos tamén doutro planeta?
Non perdades o oitavo capítulo de Pipo!