Pipo quere ir á escola… pero terá que pasar desapercibido! 

Pipo ten unha misión moi clara: quere ir á escola con Berta. O problema é que a súa amiga non o ve tan claro. Como vai levar un extraterrestre ao cole? E, sobre todo, como vai explicar que Pipo vive na súa casa? Por moito que intenta convencelo de que é mellor quedar na casa, o pequeno marciano non está disposto a perderse esta aventura.

Pipo ten un talento que pode virlle moi ben nesta ocasión: é capaz de encollerse todo o que queira! Así que, cando Berta se quere dar conta, xa está dentro da súa mochila, xa están en clase, e xa o viu todo o mundo! Agora toca improvisar. Para evitar preguntas incómodas, Berta presenta o seu amigo como un boneco robot… que di frases soltas. Unha explicación que, polo menos ao principio, parece bastante convincente.

O problema é que Pipo é moi falador. E cando os seus compañeiros descobren o novo boneco de Berta, non tardan en querer coñecelo mellor.

Conseguirá o pequeno marciano comportarse como un auténtico boneco robótico? Será capaz de quedar quieto e falar só cando lle toque? Ou acabará descubrindo todo o colexio que é bastante máis especial do que parece?

Ir á escola xa é toda unha aventura, pero facelo sen que ninguén descubra que es un extraterrestre… iso si que é complicado!

Non perdades o capítulo 12 de Pipo!