Estes doces parecían unha aposta segura para o pequeno marciano… pero coma sempre, Pipo non reacciona como Berta agarda que o faga!
As lambonadas non son para todos…
Pipo ten sempre moita fame, moitísima! E, ademais, adoita comer de todo sen pensalo demasiado. Por iso, cando Berta lle ofrece unha cunca chea de lambonadas explicándolle que é a cousa máis deliciosa do universo, está convencido de que lle van encantar.
Pero claro, estamos a falar de Pipo. E este marciano faino todo do revés! En lugar de probar unha a unha, como faría calquera, decide engulilas todas de golpe. E o que pasa… non é exactamente o que Berta esperaba.
Porque resulta que a Pipo dálle moitísimo noxo o sabor das lambonadas. Unha sorpresa total, non só para Berta, senón tamén para el mesmo, que non acaba de entender como algo así pode gustarlle tanto aos nenos e nenas da Terra.
Queredes ver como remata esta aventura?
Non perdades o quinto capítulo de Pipo.